Sunday, May 6, 2007

امتحانات ...........امتحانات و لا جديد

لا جديد تحت الشمس كما يقولون و تظل بحيرة حياتى هادئة ، حقا أمر بحالة من الملل لا يتخيلها أحد
فترة كئيبة هى فترة الامتحانات هذه و على الرغم من أنى لا أذاكر كثيرا الا أنى لا أتوقف عن التفكير فى المذاكرة
8 مواد
يا لها من كارثة ، أول مرة يكون عندى هذا الكم من المواد ، كل يوم اضع الكتب أمامى و أفكر بمن سأبدأ حتى يضيع اليوم
مشكلتى أننى لم أكن يوما ممن يضعون جداول مذاكرة و ينفذوها
كنت أتمنى أن أكون من هؤلاء الناس الذين يأكلون الكتب أكل
بصراحة أنا بحسد الناس دى
انما أنا يا فرحتى أكثر شىء بحبه القراءة ما دامت لا تمت للمذاكرة بصلة
حتى أن معظم الناس لم تتوقع لى النجاح بمجموع كبير فى الثانوية العامة الا أمى و أبى طبعا
و لذلك لا أتمنى أن أخيب ظنهم فى أتمنى أن أحظى بتقدير مرتفع هذا العام حتى يفرحوا
و لذا لا تنسونى من دعائكم حيث أن هذه السنة من أصعب سنوات الكليه
أنا عارفة طبعا ان اللى لسه فى الكليه عايشين نفس المود بتاعى
و الشمس بانت من بعيد بقى و جو الامتحانات الرائع ده
المهم و نظرا انى لسه مذاكرتش الا مادة واحده من التمن مواد و امتحانى بعد اسبوعين
و هطحن خمس اسابيع فى الامتحانات فياريت امانه على اى حد يدخل هنا يدعي لى قوى

22 comments:

Amr Ahmed said...

وبدات الدواااااااامة


نياههههههههههها

ربنا معاكي ومعانا

ابقي ادعيلي انا كمان

SomeOne said...

هههههههههههه

كلنا هذا الرجل
:)

ربنا معاكي

اهيء اهيء
ومعايا
اهيء

tearwhispers said...

عمرو
فعلا بدأت الدوامة و يا عالم هتخلص امتى ؟
اهىء اهىء اهىء
ربنا معاك يا رب

شادى
بس بس متعيطش
كلنا لها
ربنا معاك

yamen said...

الله يكون في عونك

هيه بتبقي لحظات صعبة علي الواحد لما يحس انه وراه بلااااااوي و لازم يخلصها

وخصوصا ان انا كمان وطول فترة الكلية كنت اتمني اني اكون من الناس اللي بتاكل الكتب اكل

بس حاولي تبصي للموضوع بشكل مختلف

يعني خلصي اجزاء حتي ولو صغيرة وكل ماتخلصي جزء بصي عليه وفكري نفسك باللي انجزتيه زي مابتفكري نفسك باللي لسه فاضل

ربنا يوفقك

تحياتي

أنا حر said...

ربنا معاكي بس انت عارفة احساس الملل مش عندك لوحدك عندنا كلنا ... سبحان الله بالرغم من اننا بنحب القرائه بس الناس دي بتجيب لنا في الدراسة كل الحاجات اللي مبنحبش نقراها وكأن في بنا وبنهم تار
عموما شدي حيلك انشاء الله ربنا يوفقك وزي كل مرة تجيبي نتيجة ترضي ماما وبابا زي ما عودتيهم

إبـراهيم ... said...

ربنا يوفقـك يا شاااهي يااااارب ...
.
.
.
مممممممممممم ، على فكـرة ...
في انتظااااارك ........ أيضًا !!

قلب يحترق said...

ربنا يوفقنا جمييييييييييييييييعا

ادعيلي انتي كمان

عاااااااااااااااااااااااااااااااااا

المواد عندي صعبة اوي كمان

ربنا يسترها

buffy said...

good luck my dear

gohayna said...

ربنا يوفقك يارب وتمتحني وتخلصي علي الف مليون خير ان شاء الله

وعايزين حلاوه النجاح لما تخلصي طبعا

اوعي تهربي

ربنا معاكي يارب

تحياتي

كراكيب عادل said...

ربنا يوفقك
ربنا ينجحك

منتظرينك بس بعد الامتحانات

خليكي في مذاكرتك

MONDAHESH said...

ربنا يوفقك ويوفق كل اللي داخلين علي امتحانات

shermen said...

ربنا ينجحك يارب

والله حاسه بيكي

كنت دايما في أيام الإمتحانات دي بشيل الهم والحمد لله كان ربنا مش بيكسفني

عقبال أما تخلصي

لكن صدقيني هتحسي بالملل الرهيب

سلام يا قمر

bRoKeN HeArT said...


ربنا يوفق يا شاهى
و يوفقنا معاكى
و ان شاء الله خير
و ازمة و هتعدى
سايبلك هدية عندى تعالى خديها

الوردة السوداء said...

ياستى ربنا معاكى
ومعانا

بس عموما يعنى كلوه على حسب مجال الدراسة

بنت الحياه said...

ربنا أكيد هيوفقك ..

تحت الضغض تتولد أعظم الطاقات وأغني الابداعات..

جود لك :)

أخف دم said...

انت محسسانا انك اول واحدة تمتحنى .. بطلوا الحاجت دى بقى .. وبعدين كل مرة تقولى الكلام ده وبعدين تجيبى تقدير كمان ..
عموما مش هنقر ربنا معاك يا رب ويوفقك فى الامتحانات وف حياتك كمان
افتكرى الجمايل دى بقى

shermen said...

أنا كتبتلك بوست عن الامتحانات
اللينك اهو
http://fawda-el7awas.blogspot.com/2007/05/blog-post_10.html
ابقي شوفيه
سلام يا قمر
وابقي طمنينا عليكي

مصطفى حسان said...

أنا مش عارف ليه بحس ان الامتحانات دي كائن هلامي بشنب

R.R said...

ربنا معاكى
معلش شده وتزول
تعرفى اغنية الشمس بانت دى فكرتنى بايام زمان اما كنت فى ثانوى
كنت بزاكر لحد الصبح
من الفجر يعنى للصبح :)
عشان سوء الفهم
:)
وكنت قرفاهم فى البيت بيها
اصل صوتى مقلكيش
يلا بجد ربنا يوفقك
ومنتظرين رجوعك بعد
ما تفنشى الامتحانات

tearwhispers said...

yamen
و أى بلاوى دى بلاوى كبيره قوى
ربنا يستر

أنا حر
ربنا يوفقك انت كمان يا رب
عموما الحمد لله العيب فيهم مش فينا

ابراهيم
ميرسى قوى
انا عارفه انى مقصره معاك و مش بدخل المدونة بس فعلا انا مش بدخل مدونات
مفيش وقت

buffy
thanks

هبهوب
ربنا هيوفقك ان شاء الله متخافيش

gohayna
ادعيلى انا انجح بس و انا اديلك مصنع حلويات بحاله

tearwhispers said...

عادل
الناس اللى خلصت دى
حاضر يا باشمهندس هخلينى فى مذاكرتى
ربنا يستر

mondahesh
يا رب

شيرى
انا موافقه احس بالملل بدل الاثاره دى احسن تعبت منها قوى
شويه هدوء بقى
يا رب انجح بس

الورده السوداء
ربنا معانا كلنا
بس انا اعتقد كل مجالات الدراسه على اختلافها فيها صعوبه بردو

tearwhispers said...

بنت الحياه
يا رب
بس اعتقد الضغط اللى انا تحته استحاله يولد اى حاجه
ممكن يولد استعاضة او علاج تحفظى انما ابداعات
لالالالالالالالالالالالالالالالالالالالالا

broken heart
ربنا معاك انت كمان يا رب
كليه صيدله صعبه
و ميرسى خالص على هديتك استلمها بعد الامتحانات بقى

اخف دم
اشرف باشا
عاش مين شافك
و كمان جاى تقر
طيب انا موافقه اجيب تقدير بس انا السنة دى و قر براحتك
و طبعا ازاى ممكن انسى جمايلك
اهم صفة فيك التواضع فعلا

شيرى
شفت البوست
جميل يا شيرى

darsh
طيب كائن هلامى ماشى
نعديها
لكن بشنب ؟
ليييييييييييييييييييه ؟

r.r
انا كمان بتفكرنى بايام الثانوى
و برده كان اخرى اقوم من الفجر للصبح
مش عارفه الناس اللى بتذاكر من بالليل للصبح دى بيعملوا كده ازاى
انا محتاجه كورسات فى الموضوع ده